O Tempo

 García Avarez, Sol  



O TEMPO

Todo o tempo é  para vivir

 

 

(En débeda con

 “Las siete leyes del caos” John Briggs  e F . David Peat )

 

 

“As actividades que dirixe o reloxio, non son as nosas  

(Déjame que te cuente” Jorge Bucay)

 

 

“ Virginia Wolf suxire que o significado real do tempo pertence  ó ámbito das sutís interrelacións humanas e multiplica os momentos de contacto humano”

(las siete leyes del Caos. Grijalbo)

 

 

 

 

 

Poema adicado  ás non-vidas, de  hipoteca e  letras

 

Catro anos de préstamo

         oito anos

        doce

Toda unha vida
vivida de prestado

en  cheques aplazados  polos usureiros do tempo.

 

 

 

 

 

 

 

 

O tempo lineal 

 
Tempo de reloxio

tempo mecánico

tempo numérico

Pasado      Presente       Futuro

Disque o tempo non existe

o que existe son os reloxios

¡malditos!

 

 

Sepárome

do tempo que outros

esperan  para  min:

coidar marido e casa,

parir fillos,

ir ó traballo e producir,

consumir  no tempo libre,

...

e ó final:

criar malvas.

 

Vivir fóra do tempo prescrito

                do tempo de cronos

                do tempo que mina

                               que orada

                               que mata.

 

 

 

 

 

Plenitude

Accións en harmonía

     que fluen

        cos

ritmos internos

Tempo multidimensional.

 

 

 

Cronos e Kairós en loita por ocupar

 

Outro                                      un

  Un               o sitio do            outro.

Outro                                      un

 

 

 

Entrar  plenamente

no

momento

 

                e tocar a eternidade.

 

 

 

 

 

 

 

Estar 

        no borde

                mesmo

                        do abismo

do momento.

 

 

Tempo propio

Tempo para non facer

nada.

 

Descubro  que se me manteño en contacto  co que me nutre,

teño tempo para todo.

E  hai coidado e respeto para cada tarefa á que me adico.

 

 

 

 

Tempo fractal

autosemellante

en movemento sobre si mesmo

ampliándose

e reducíndose

ao mesmo tempo,

no mesmo instante.

 

Secuencias repetidas sempre diferentes

 

o metrónomo axusta os tempos.

 

 

 

Ocurren tarefas simultáneas  cada unha co seu propio tempo.

 

 

 

Tempo vivencial.

templo pleno.

O tempo do agora mesmo.

 

 

Un instante como un holograma da vida enteira.

unha imaxe

un soño

unha palabra

unha mirada

        apenas.

 

 

 

O tempo da Natureza

 

Tempo que se curva,

que   se expande               desplégase

         vértese

 flue

                sepárase                  

                                                         vibra

                               fúndese

                                               remansa

 

dubida

                deslízase                                          adiante

atrás

                                                       brila

        avanza

                sempre novo

                sempre agora.

 

 

 

 

 

 

É sen tempo que ocurren

                        o voo da bolboreta

                        o brilo das follas dos chopos

o cantar interminable dos canarios nas tardes    da infancia.

As túas miradas.

 

 

 

Tómome tempo

para sentirme

para curarme

para escoitarme

para amar.

 

 

A calma é o tempo de calidade

 

O tempo que ten significado é o tempo pleno

non necesito máis tempo

necesito tempo pleno.

Non   cheo de actividades

                senón  colmado  de presencia


Tempos perdidos

 

Buscados na pila de xornais por ler

No desván

Entre as pedras das ruinas

Nas follas dos álbumes   de fotos

No recordo da tua pel nos meus beizos.

 

A sorpresa de atopar un obxeto que vén da infancia.

 

Ocurren

Transcurren

Transportan

Non importa

Xa van vividos.

 

Matando o tempo como quen mata un porco, anque sen violencia. A dentelladas, como un canibal de longos dentes cairos. E de postre tarta de santiago e un chopo de augardente de herbas.

 

 

Perdendo o tempo  entre as rendixas da parede, tumbada na cama, como unha  adolescente deprimida.

Lendo nas manchas de humidade do teito.

 

 

Tempos breves

Un bico lene

o aletexo do colibrí

un flash

apenas

un interruptus

e xa te fuches.

 

 

Facía tempo, deixábase esvarar amodo, de cóstas ás paredes moles, agochaba o reloxio debaixo da almofada e ...

ocurría

...

sempre...

todo o tempo do mundo era para ela.

 

 

_Tómate tempo.

E bebeuno pausadamente


 

Ó outro lado  do tempo medido

 

E     x  p  e   r  i  e    n  c  i  a   s     e    x  p  a  n  d  í   n  d   o  s  e

 

 

 

                                                                                  Que

                                                                   se

                                                  abren

                      inmensas

ó

                     verdadeiro

                                             infinito

                                 sen

                                                      significado

                tempo 

                                                                                da

                                                                                       vida

 



Seguinte      Anterior

 

(Podedes enviar textos ou imaxes a: andaina@andainamulleres.org)

Un espacio aberto as vosas creacións...