Documento sin título
As
Marías.
Coralia e Maruxa, mais coñecidas como as dúas en punto, son algo
máis que unha típica estampa compostelana. Detras da súa
imaxe escéntrica ocultábase unha vida construída na disidencia
a unha cidade reaccionaria e clerical. Ambas, ao igual que os seus irmáns,
eran miltantes da CNT e sufriron nas súas carnes a represión anterior
e posterior ao 18 de xullo de 1936.
Co golpe militar e fascista ocultaron o seu perseguido irmán e, por mor
diso, foron humilladas pola Garda Civil no monte Pedroso en numerosas ocasións.
A partir dese momento a súa vida continuou de maneira rutinaria con paseos
polo centro de Santiago ás dúas da tarde. As escandalosas cores
dos traxes que elas mesmas se facían iluminaban a posguerra franquista
dunha cidade triste e derrotada após a represión.
Durante moitos anos non se soubo, ou non se quixo saber, dos acontecementos
que marcaran a súa vida: considerábanas tolas, ríanse delas...
Mais tamén foron tratadas con agarimo por sectores da cidade que as apoiaban
economicamente e que se preocupaban do seu benestar persoal.
Morreron soas, como viviron nos anos oitenta, e ficaron case esquecidas até
que o Concello de Compostela decidiu erixir unha estatua delas no paseo central
da Alameda.
|