Billie Holiday nace en 1915 en Baltimore. Sendo unha adolescente consigue escapar dos círculos de prostituición infantil para se marchar a cantar a Nova lorque. Antes de comezar a sua carreira discográfica e tras ser descuberta por John Hammond, comezou a cantar en filmes. Graba o seu primeiro disco con Benny Goldman en 1933 e dous anos depois debuta no Apollo Theatre de Harlem. Formará co saxo tenor Lester Young unha das alianzas musicais mais profundas do jazz. 0 seu timbre áspero e metálico e a sua liberdade rítmica axustavan-se particularmente co estilo deste músico. Realizou duas xiras por Europa en 1954 e 1958. En 1956 escreveu a sua autobiografía Lady Sings the Blues. Entre os seus discos destacan: Billie's blues, Strange fruit e God bless the child.
A sua vida inicia-se cunha infáncia miserenta e cruel e de maior, os problemas coas drogas marcaron-na profundamente. As suas exitosas xiras contrapuñan-se às frecuentes visitas a hospitais e cárceres a medida que se agravava ese problema. Morreu en 1959 na cidade que viu medrar o seu éxito, Nova lorque, con 70 centavos nunha conta bancária e 750 dólares atados às suas pernas. Eis o medo que tivo sempre à pobreza e un costurne característico dunha adicta ás drogas.