Nome |
Chavela Vargas |
CHAVELA VARGAS O 5 de agosto de 2012
morreu na súa casa de Cuernava, México, María Isabel Anita
Carmen de Jesús Vargas Liza- no, de nome artístico Chavela Vargas,
tiña 93 anos. Nacida en Costa Rica, abandonou ese país aos 17
anos, logo dunha infancia infeliz e enfermiza. Chegou a México e posteriormente
obtería a nacionalidade mexicana. Chavela admiraba a denominada canción
ranchera e en concreto a que trata de amores e desamores. Chavela cantaba, facíao
soa, con apenas unha guitarra baixando o ritmo das melodías e imitando
a ebriedade. Sempre foi a contracorrente, cando era moza vestía con roupas
masculinas, fumaba tabaco, levaba pistola e bebía en exceso. Nunha entrevista
para a TV colombiana, aos 80 anos, recoñeceu abertamente que era lesbiana.
chavelaVargas Durante moitos anos cantou na rúa e nas cantinas, despois
fíxose cantante profesional apadriñada por José Alfredo
Jiménez, compositor e tamén cantante, pero, ante todo, compañeiro
de troulas. Contan que cando Jiménez morreu Chavela acudiu o seu velorio
e se derrubou cantando borracha. Ao intentar apartala, a viúva de Jiménez
dixo: «Deixádea, está sufrindo tanto coma min». Nos
anos cincuenta empezou a facerse máis coñecida por frecuentar
círculos artísticos, trabando amizade con Diego Rivera e frida
Kahlo, Pablo Neruda, Carlos fuentes, Carlos Monsiváis... A súa
relación con México, país que adoraba, foi agridoce: non
se lle recoñeceu como figura até os anos noventa, cando Pedro
Almodóvar amosou a súa admiración pola cantante incluíndo
cancións que ela cantaba no seu filme Tacones lejanos. Posteriormente
vi- ría a súa amizade con Joaquín Sabina e Álvaro
Urquijo. O seu éxito en España permitiulle cantar no mítico
teatro Olympia de París. Alí acudiron Almódovar e a actriz
francesa Jeanne Moreau, quen non sabía falar español pero lle
dixo a Almódovar: «Non fai falla que me traduzas o que canta, porque
a entendo perfectamente». E seguro que era certo, porque escoitar a Chavela
era escoitar un corazón ebrio de amor e de dor. Os seus últimos
anos viviu en Tepoztlán, estado de Morelos, ao pé do monte Tepozteco,
con quen ela dicía falar todas as mañás. Hai quen di que
reinventou a máis pura e antiga canción ranchera mexicana: masculina
e sentida, porque os homes só falan de sentimentos cando están
bébedos. O certo é que viviu con insolente liberdade as súas
paixóns e desexos e mostrou novos camiños para os amores que no
século pasado non se atrevían a dicir o seu nome. No palacio de
Belas Artes, en México Df, os representantes institucionais despedírona
cunha homenaxe nun teatro que ela amaba, pero onde soamente se lle permitiu
actuar dúas veces na súa vida. Na praza Garibaldi despedírona
con dous días de música e tequila. |